Panay News Philippines - BEST REGIONAL NEWSPAPER IN THE PHILIPPINES

YOU ARE HERE: Hublas BANGKAY NASAPWAN!

BANGKAY NASAPWAN!

E-mail Print PDF

Ni Ime Sornito

SAN DIONISIO, Iloilo – Isa ka bangkay sang lalaki ang nasapwan sa katubohan sa Brgy. Cubay diri pasado alas-cinco sang aga kahapon.

Ining bangkay ginkilala sa kay Rogelio Andagan, 27-anyos, soltero, tumandok sang Brgy. Juaneza, Sara kag isa ka drayber sang motorsiklo.

Sa interbyu sang HUBLAS kay SPO4 Bimbo Navarro sang San Dionisio Municipal Police Station, nasapwan sang pila ka mga residente si Andagan nga dugoon kag wala na sang kabuhi sa sulod sang katubohan.

Sunu pa kay Navarro nga sa ila pagpangusisa sa bangkay, nadiskubrehan nga may pilas ini sa wala nga bahin sang dughan kag likod tuga sang pagbunu.

Gindugang pa sang pulis nga mahimu sang Martes lamang sang gab-i ginbunu-patay ang biktima bangod nga preska pa ang dugo nga naga-gwa sa lawas sini sang nasapwan.

Samtang ginasulat ini nga balita, padayun pa ang maid-id nga pag-imbestigar sang kapulisan bahin sa kamatayon ni Andagan agud makilal-an ang nagpatay diri kag kon ano ang motibo./H